شخابيط علي باب الروح : لـ | وليد حمدي اسرائيل

فوق النيل ب 3 قيراط
تحت الأرض بفدان ويل
ليل .. بيصاحب ليل
عيل هربان م الحلم
كلاكيت ..
هنعيد الفيلم ..
تحت الفقر بخط القهر
فوق الأرض بنفس الهم ..
من تقل الدم ..
جدرانه بترسمله صحاب ..
وسجون ..
وساعات بتكون ..
عفاريت ..
شمشون ..
سجان أو ليلى ..
وعيون بتطل ..
وساعات ..
بتعطر روحه بفل ..
لكن ف الغالب تقريبا ..
بتفضل رسم الذل ..
فوق البحر ب 1000 ميزان ..
تحت الهنة ب 100 مكسور ..
بتعيش الدور ..
بتخيط حرفين بكلام ..
وتسرفل ف الشطر موسيقى ..
وتقيس الآهة بفتحة شبر ..
القلب القبر ..
الفكرة الحرب ..
الجوع إنسان ..
كان بالمجان تعليم الروح البوح .. الشعر ..
تفتيح مسامات ..
عرقانة قصايد ..
قص ولزق وشغل جرايد ..
100 مانشيت يدلوا عليك ..
فوق الثورة ب 1000 هتاف ..
تحت القصف بدون سموات ..
دم بيشرب دم الدم ..
شئ متغير ف الإضاءات ..
ضحكت عنيك ..
خوفك مات ..
بدأ المشهد ..
عند
The End