لحظة ..
وهيبدأ نَص جديد يدخلني ..
أو يخرج من روحي ف هيئة دمع ..
لحظة ..
ويكون المسموح ..
تصديق الوهم ..
تكذيب الواقع ..
ومخالفة قوانين الكون ..
لحظة ..
وتلاقي أرسطو بيرقص رومبا ف حضن مادونا ف وقت الضيق ..
بيعاتب ألفيس على نغمات الروك والرول ..
لحظة ..
وهتطرح أوراقك فل ..
ما هو كل يومين تسقيك الضحكة وتمشي بعيد ..
وتشاور من شباكها عليك ..
" أنا لحبيبي وحبيبي .... "
لحظة ..
وتلاقي الغنوة بتشبك منك ..
تتعقد ..
تتقاطع مع أفكار معدومة الحس ..
لحظة وبس ..
الساعة بتتحرك بشويش ..
والدورية ناقصها شاويش ..
طمع الجرسون ف البقشيش ..
وأنا لسه بدندن برضه مافيش ..
" ما فيش حاجة .. ولو كان حتى فيه حاجة هقول برضه مافيش حاجة "
لحظة ..
ويعدي الهم يجرجر همه ف ديله ..
كنت بانيله بيتين من شعري ..
كنت هاديها خصلة شعري ..
لكن شابت قبل ما أشيب ..
عداني العيب ..
فلقيت الجيب متزوق فكة ..
حيفا وعكا ..
وطابا وسينا ..
لا قدرنا نكمل ..
ولا حتى رسينا ..
عملنا النكتة وقولنا نسينا ..
طبخنا الفتة وعومنا عليها ..
وجت رجلينا ف قلب الخية ..
" حسرة عليها يا حسرة عليها "
لسه متبت كفي ف إيدها ..
وكل ما أزيدها غزل تتجن ..
وقالوا أحن ..
ولسه بحن ..
ولسه بئن ولسه بعيش ..
بألبس وش عشان ما أمشيش ..
بضحك دمع ..
وببكي كلام ..
مزحوم ع الفاضي وراضي أوطي ..
وكل ما أخطي تدوس ..
على راسي وتكسر ضهري ..
وترقص سالسا مع العفاريت ..
وياريت بتصدق إني بموت ..
بتعبي الصوت حرفين العشق ..
وتمسك 100 كرباج للحلم ..
ما تهتف لينا وتحلم بينا وحقق فينا طموح الموت .. اتطمن جداً هنا بيموتوا .. من غير صوت ..!
وهيبدأ نَص جديد يدخلني ..
أو يخرج من روحي ف هيئة دمع ..
لحظة ..
ويكون المسموح ..
تصديق الوهم ..
تكذيب الواقع ..
ومخالفة قوانين الكون ..
لحظة ..
وتلاقي أرسطو بيرقص رومبا ف حضن مادونا ف وقت الضيق ..
بيعاتب ألفيس على نغمات الروك والرول ..
لحظة ..
وهتطرح أوراقك فل ..
ما هو كل يومين تسقيك الضحكة وتمشي بعيد ..
وتشاور من شباكها عليك ..
" أنا لحبيبي وحبيبي .... "
لحظة ..
وتلاقي الغنوة بتشبك منك ..
تتعقد ..
تتقاطع مع أفكار معدومة الحس ..
لحظة وبس ..
الساعة بتتحرك بشويش ..
والدورية ناقصها شاويش ..
طمع الجرسون ف البقشيش ..
وأنا لسه بدندن برضه مافيش ..
" ما فيش حاجة .. ولو كان حتى فيه حاجة هقول برضه مافيش حاجة "
لحظة ..
ويعدي الهم يجرجر همه ف ديله ..
كنت بانيله بيتين من شعري ..
كنت هاديها خصلة شعري ..
لكن شابت قبل ما أشيب ..
عداني العيب ..
فلقيت الجيب متزوق فكة ..
حيفا وعكا ..
وطابا وسينا ..
لا قدرنا نكمل ..
ولا حتى رسينا ..
عملنا النكتة وقولنا نسينا ..
طبخنا الفتة وعومنا عليها ..
وجت رجلينا ف قلب الخية ..
" حسرة عليها يا حسرة عليها "
لسه متبت كفي ف إيدها ..
وكل ما أزيدها غزل تتجن ..
وقالوا أحن ..
ولسه بحن ..
ولسه بئن ولسه بعيش ..
بألبس وش عشان ما أمشيش ..
بضحك دمع ..
وببكي كلام ..
مزحوم ع الفاضي وراضي أوطي ..
وكل ما أخطي تدوس ..
على راسي وتكسر ضهري ..
وترقص سالسا مع العفاريت ..
وياريت بتصدق إني بموت ..
بتعبي الصوت حرفين العشق ..
وتمسك 100 كرباج للحلم ..
ما تهتف لينا وتحلم بينا وحقق فينا طموح الموت .. اتطمن جداً هنا بيموتوا .. من غير صوت ..!
