هل فيه حاجات مفيدة جدا في الحياة الزائفة ؟
قالوا فرق سعر التكلفة على هامش الربح العفي
قوم اتكفي على الأرض ... وإلحس تراب المجتمع
تُقل السمع ..
بيفيد ساعات ..
بيولدِّ الدهشة البراح علشان تشم الفلسفة ..
معاك جنيه ؟!!
تليفون يا بيه ..
طار الدولار ..!
ضاع الزرار ..
حادث قطار ..!
حلو الخيار ..
والاختيار بين بين وبين ..
أصعب عشان التجربة عمالة تنقص .. عنصر الحِس الطواف ..
وخفاف خفاف ..
بيطبوا واقفين م السما ..
وكأنما ..
قلبي معلق ف الدولاب جنب الجاكتة لوقت حاجة هطلعه وأرميه ببلاش ..
وكأنما ..
ريحة القماش بتشدني من لَفتي الأولى لحد الموت ..
أبويا الصوت ..
همس فيا ..
وخوفني ..
وأمي الثورة منسية ..
بتشتم فيا وياكم ..
أخويا المعتقل بالشوق ..
بيحلف كل ليلة يدوق ..
شفايف زنزنات الوعي ويسبح ..
أشكوه لك ..
الملك لك ..
وأنا وحدي بس اللي هَلك ..
علم الفَلك ..
أثبت حديثاً ..
حاجة أعبط م العبط ..
إن القمر ..
حتة حجر ..
وإن البشر براويز شرور ..
والأرض لم .. تفضل تدور إلا بفعل الأسئلة ..
وعشان كده ..
راح تخلع الشمس البراقع كلها ..
وتسب كل الأوليا ..
دارون ..
وكافكا ..
وميكافيللي ..
" وعم بطاطا لذيذ .... ومعسل .. عمره ما طاطا لغير ... " المادة ..
وحجم السلطة وطبق الفول ..
عم بطاطا ..
هيصبح غول ..
ونخوف بيه عصابات الميكي وكابتن ماجد أو بكار ..
عيب يا حمار ..
السوق السودا هتفتح نفسك ع المبيعات ..
وبدون إيضاحات أكتر من ذلك ..
كل ما كان هنالك يبقى ..
وانت تموت مستغرب نفسك ..!
قالوا فرق سعر التكلفة على هامش الربح العفي
قوم اتكفي على الأرض ... وإلحس تراب المجتمع
تُقل السمع ..
بيفيد ساعات ..
بيولدِّ الدهشة البراح علشان تشم الفلسفة ..
معاك جنيه ؟!!
تليفون يا بيه ..
طار الدولار ..!
ضاع الزرار ..
حادث قطار ..!
حلو الخيار ..
والاختيار بين بين وبين ..
أصعب عشان التجربة عمالة تنقص .. عنصر الحِس الطواف ..
وخفاف خفاف ..
بيطبوا واقفين م السما ..
وكأنما ..
قلبي معلق ف الدولاب جنب الجاكتة لوقت حاجة هطلعه وأرميه ببلاش ..
وكأنما ..
ريحة القماش بتشدني من لَفتي الأولى لحد الموت ..
أبويا الصوت ..
همس فيا ..
وخوفني ..
وأمي الثورة منسية ..
بتشتم فيا وياكم ..
أخويا المعتقل بالشوق ..
بيحلف كل ليلة يدوق ..
شفايف زنزنات الوعي ويسبح ..
أشكوه لك ..
الملك لك ..
وأنا وحدي بس اللي هَلك ..
علم الفَلك ..
أثبت حديثاً ..
حاجة أعبط م العبط ..
إن القمر ..
حتة حجر ..
وإن البشر براويز شرور ..
والأرض لم .. تفضل تدور إلا بفعل الأسئلة ..
وعشان كده ..
راح تخلع الشمس البراقع كلها ..
وتسب كل الأوليا ..
دارون ..
وكافكا ..
وميكافيللي ..
" وعم بطاطا لذيذ .... ومعسل .. عمره ما طاطا لغير ... " المادة ..
وحجم السلطة وطبق الفول ..
عم بطاطا ..
هيصبح غول ..
ونخوف بيه عصابات الميكي وكابتن ماجد أو بكار ..
عيب يا حمار ..
السوق السودا هتفتح نفسك ع المبيعات ..
وبدون إيضاحات أكتر من ذلك ..
كل ما كان هنالك يبقى ..
وانت تموت مستغرب نفسك ..!
