كل الطرق موصولة لجروحي
زملتني
فرفت بوح
وضحكتها
بَكِت عليا الأرصفة
ما بقاش مدادي للسما واصل
سبع شياطين بدون وسواس
وملاك يتيم بيرتل الفاتحة
داب الجسد جرانين
عناوين كتير تعرفني لكن
لسه مش لاقي السبيل
الضي معطوب البصر
بيضل بيا ويهتدي
ببراح حبيبتي التايهة ف الأحلام
شفت المطر ؟
يشبه لإيه ؟
عيل غشيم وضلوعه خام
والريح عذارى بيرقصوا حواليه
زاغت عنيه
حِبلت كلام
جابت صور م المستحيل
واترتبت كل التهم
مصلوب ورق
بيضاجع الفكرة الغبية ع الملأ
ويخاف لتفلت منه تنهيدة تهد البيت
عيل إزاز
وتملي روحه بتنكسر علشان يعيش
رحلة طواف الموت
خروج الجدر م طينه
صعود الفرع صفصافة على الجنة
سكون ذاتي
وريحة مسك
سابع سما ف الروح بتشطح وبتشتهي
كفر الغرام والعشق ..!
زملتني
فرفت بوح
وضحكتها
بَكِت عليا الأرصفة
ما بقاش مدادي للسما واصل
سبع شياطين بدون وسواس
وملاك يتيم بيرتل الفاتحة
داب الجسد جرانين
عناوين كتير تعرفني لكن
لسه مش لاقي السبيل
الضي معطوب البصر
بيضل بيا ويهتدي
ببراح حبيبتي التايهة ف الأحلام
شفت المطر ؟
يشبه لإيه ؟
عيل غشيم وضلوعه خام
والريح عذارى بيرقصوا حواليه
زاغت عنيه
حِبلت كلام
جابت صور م المستحيل
واترتبت كل التهم
مصلوب ورق
بيضاجع الفكرة الغبية ع الملأ
ويخاف لتفلت منه تنهيدة تهد البيت
عيل إزاز
وتملي روحه بتنكسر علشان يعيش
رحلة طواف الموت
خروج الجدر م طينه
صعود الفرع صفصافة على الجنة
سكون ذاتي
وريحة مسك
سابع سما ف الروح بتشطح وبتشتهي
كفر الغرام والعشق ..!
