قاعد ..
ف البراح كسلان ..
بشرب منير ..
بسمع قصايد جوا مني كلهم غاويين كآبة ..
وأنا لسه واخد ع الكتابة 1000 عهد ما تدنيش من باب وجع ..
لكن عشان قلبي الجدع ..
دايما بسامح ف الإساءة والغلط ..
واكتم دموعي غصب عنها ف الوريد ..
النار تقيد ..
تصبح رماد ..
النار تبات ..
وتفوت هشيم ..
عيل خشيم عدى ..
من ليلة على ضلعي ..
شديت فتيل الشعر ..
وفتحتله طاقة ..
طلع بطاقة كبر ..
أصبح كما التانين ..
سن النياب اشتد ..
لما نحل عودي ..
يا غنوة لا تعودي ..
ولا تطربيني يوم ..
الشعر مش مفهوم ..
لو كان وجع ذاتي ..
وأنا لسه عايز أقوم ..
بغرق ف لذاتي ..
وأفضل على الكنبة ف براح ما لوش آخر ..
نفسي الكسل يمشي ..
والهم يتاخر ..
لكن عشان طبعي ..
صاحب وفي جدا ..
النيل هجر شطه ..
وأنا لسه بتهجى ..
سطر الميزان والبحر ..
تفعيلة غرقانة وسط الدموع والقهر ..
فعل على مفاعيل بتجر قلب فعول وبتجبره يسكن توب الغبي مفعول ..
منصوب بأوجاعه ..
خاضع لكام هنة ..
ملزم ب 100 تفسير ..
مطلق عشان الغير ..
ولأجل فعل الخير ..
ينصب كمان مرة ..
قاعد ..
وأنا كسلان ..
مفعول بعقلي حاجات ..
مسروقة مني الذات ..
متسرسبة نصين ..
متقسمة نصين ..
متعلقة بيا ..
كرهاني من طيبتي ..
عشقاني ف الشياطين ..
ربطاني فيا بسطر ..
محتاج بحور تفاعيل ..
علشان يبوح بيا ..
يكشفني قدامي ..
يوصفني بالإشارات ..
قاعد وأنا كسلان ..
فاتح ف عمق الكون ..
طاقة بشوف منها ..
كل اللي يشبهني ..
واضحك على خوفهم ..
اكمني لسه جبان ..
قاعد وأنا خيبان ..
صبحت حروفي عجاف واتكسرت فيا !!!!
ف البراح كسلان ..
بشرب منير ..
بسمع قصايد جوا مني كلهم غاويين كآبة ..
وأنا لسه واخد ع الكتابة 1000 عهد ما تدنيش من باب وجع ..
لكن عشان قلبي الجدع ..
دايما بسامح ف الإساءة والغلط ..
واكتم دموعي غصب عنها ف الوريد ..
النار تقيد ..
تصبح رماد ..
النار تبات ..
وتفوت هشيم ..
عيل خشيم عدى ..
من ليلة على ضلعي ..
شديت فتيل الشعر ..
وفتحتله طاقة ..
طلع بطاقة كبر ..
أصبح كما التانين ..
سن النياب اشتد ..
لما نحل عودي ..
يا غنوة لا تعودي ..
ولا تطربيني يوم ..
الشعر مش مفهوم ..
لو كان وجع ذاتي ..
وأنا لسه عايز أقوم ..
بغرق ف لذاتي ..
وأفضل على الكنبة ف براح ما لوش آخر ..
نفسي الكسل يمشي ..
والهم يتاخر ..
لكن عشان طبعي ..
صاحب وفي جدا ..
النيل هجر شطه ..
وأنا لسه بتهجى ..
سطر الميزان والبحر ..
تفعيلة غرقانة وسط الدموع والقهر ..
فعل على مفاعيل بتجر قلب فعول وبتجبره يسكن توب الغبي مفعول ..
منصوب بأوجاعه ..
خاضع لكام هنة ..
ملزم ب 100 تفسير ..
مطلق عشان الغير ..
ولأجل فعل الخير ..
ينصب كمان مرة ..
قاعد ..
وأنا كسلان ..
مفعول بعقلي حاجات ..
مسروقة مني الذات ..
متسرسبة نصين ..
متقسمة نصين ..
متعلقة بيا ..
كرهاني من طيبتي ..
عشقاني ف الشياطين ..
ربطاني فيا بسطر ..
محتاج بحور تفاعيل ..
علشان يبوح بيا ..
يكشفني قدامي ..
يوصفني بالإشارات ..
قاعد وأنا كسلان ..
فاتح ف عمق الكون ..
طاقة بشوف منها ..
كل اللي يشبهني ..
واضحك على خوفهم ..
اكمني لسه جبان ..
قاعد وأنا خيبان ..
صبحت حروفي عجاف واتكسرت فيا !!!!
