ﻣﺎ ﺗﻔﺘﻜﺮﻭﺵ ﻫﺎﺗﻮﺏ ﻋﻨﻬﺎ
ﻣﺎ ﺗﻔﺘﻜﺮﻳﺶ
ﻫﺎﺷﻤِّﺖ ﻓﻴﻜﻲ ﻧﺎﺱ ﺷﺎﻓﻮ ﻛﻲ ﻋﺎﺩﻳﺔ .. ﻣﺎ ﺗﺴﺘﺎﻫﻠﻴﺶ .. ﺃﺻﻠّﻴﻠﻚ
ﻭ ﺍﻏﻨﻴﻠﻚ .. ﻭ ﺍﺷﻮﻓﻚ ﻣﺮﺳﻰ ﻣﺼﺮﻳﺔ
ﺑﺎﻋﻮﺩ ﻟﻴﻬﺎ ﺑﺤﻨﻴﻦ ﺟﺎﺭﻑ
ﻭ ﺑﺘﻄﻤﻨﻲ ﻭ ﺍﻧﺎ ﺧﺎﻳﻒ
ﻭ ﺑﺘﺨﻠﻴﻨﻲ ﺍﻛﻮﻥ ﺷﺎﻳﻒ
ﺣﺎﺟﺎﺕ
ﻣﻦ ﻏﻴﺮﻫﺎ .. ﻛﺎﻥ ﻡ ﺍﻟﻤﺴﺘﺤﻴﻞ ﺗﻮﺿﺤﻠﻲ ﻭ ﺃﺷﻮﻓﻬﺎ
ﻣﺎ ﺗﻔﺘﻜﺮﻭﺵ ..
ﺑﺈﻧﻲ ﻫﺎﻓُﻀﻬﺎ ﺳﻴﺮﺓ
ﻣﺎ ﺗﻔﺘﻜﺮﻳﺶ ..
ﻣﻔﻴﺶ ﻑ ﺍﻟﻘﻠﺐ 1000 ﻭ 1000 ﺗﻌﻮﻳﺮﺓ
ﺃﻧﺎ ﻋﺎﺷﻘﻚ
ﻭ ﻭﺍﺣﺸﺎﻧﻲ
ﻭ ﻣﺤﺘﺎﺟﻠﻚ
ﻭ ﺑﺎﻋﺪﺍﻧﻲ
ﻭ ﺑﻨﺎﻡ .. ﻟﻮ ﻧﻤﺖ . ﺑﻠﻘﺎﻧﻲ . ﺑﻔﻮﻕ . ﺑﺒﺪﺃ .. ﺃﻣﻮﺕ ﻓﻴﻜﻲ
ﺃﻣﻮﺕ ﻓﻴﻜﻲ . ﺑﺼﻮﺭ ﺗﺎﻧﻲ
ﺃﺩﻣَّﻊ
ﺃﺑﺘﺴﻢ
ﺃﺿﺤﻚ
ﺃﻛﻠﻢ ﺭﺑﻨﺎ ﻋﻨﻚ
ﺃﻛﻠﻢ ﻛﻞ ﺷﺊ ﻋﻨﻚ ..
ﺗﺮﺩﻱ ﺑﺼﻮﺕ ﺑﻴﻄﻠﻊ ﻣﻦ ﺣﻨﺎﻳﺎ ﺍﻟﻘﻠﺐ . ﺭﺍﺣﺔ ﺑﺘﻜﻮﻱ ﻭﺟﺪﺍﻧﻲ
ﺃﺩﻭَّﺭ .. ﻣﺎ ﺍﻟﻘﺎﻛﻴﺶ . ﺃﺑﻜﻲ
ﺃﺩﻭَّﺭ .. ﻣﺎ ﺍﻟﻘﺎﻛﻴﺶ . ﺃﺿﺤﻚ
ﺑﺼﻮﺕ . ﻭ ﺑﺸﻜﻞ ﻫﺴﺘﻴﺮﻱ
ﺃﻓﻜﺮ .. ﺑﺲ ﻣﺶ ﻣﺮﺗﺎﺡ ﻟﺘﻔﺴﻴﺮﻱ
ﻣﻌﺎﻳﺎ . ﻭ ﻣﺶ ﻣﻌﺎﻳﺎ ﺍﺯﺍﻱ ؟
ﺇﺫﺍ ﻣﺶ ﺳﺎﻛﻨﺔ ﺃﻧﻔﺎﺳﻲ ..
ﻣﻨﻴﻦ ﺭﺋﺘﻴﻨﻲ ﺃﺻﺒﺤﻮﺍ ﻧﺎﻱ ؟
ﻣﻌﺎﻳﺎ .. ﻭ ﺇﻧﺘﻲ ﻭﺍﻗﻔﺔ ﻫﻨﺎﻙ
ﺑﻌﻴﺪ . ﻭ ﻣﻘﻔِّﻠﺔ ﺍﻟﺸﺒﺎﻙ
ﻣﻌﺎﻳﺎ .. ﻭ ﻋﻴﻨﻲ ﻣﺶ ﺷﺎﻳﻔﺎﻛﻲ
ﻭ ﺇﻧﺘﻲ ﻗﺮﻳﺒﺔ ﺟﺪﺍ
ﻋﻠﻰ ﻣﺮﻣﻰ ﺍﻟﺸﻌﻮﺭ ﻭ ﺍﻟﺸﻮﻑ
ﻣﻌﺎﻳﺎ . ﻑَ ﻗﻠﺒﻲ ﻋﺎﺵ ﺑﺎﻟﺨﻮﻑ
ﻣﺎ ﺗﻔﺘﻜﺮﻭﺵ ..
ﻫﺎﺗﻮﺏ ﻋﻨﻬﺎ
ﻣﺎ ﺗﻔﺘﻜﺮﻳﺶ ..
ﻫﺎﺑﻄﻞ ﺍﻃﻮﻑ .. ﺣﻮﺍﻟﻴﻜﻲ
ﺃﻧﺎ ﻣﻌﺠﺐ ﺃﻭﻱ ﺑﻴﻜﻲ
ﻭ ﺑﻌﻨﻴﻜﻲ
ﻭ ﺑﺈﻳﺪﻳﻜﻲ
ﻭ ﺑﺴﻜﻮﺗﻚ
ﻭ ﺗﻮﻥ ﺻﻮﺗﻚ
ﻭ ﺑﻬﺪﻭﺀﻙ
ﻭ ﺑﺸﻴﺎﻃﻚ
ﺑﺒﺴﻤﺔ ﻣﻐﻠﻔﺔ ﻋﻴﺎﻃﻚ
ﻭ ﺑﺠﻨﻮﻧﻚ
ﻭ ﺑﻈﻨﻮﻧﻚ
ﻭ ﺗﻤﺘﻤﺘﻚ
ﻭ ﺑﺸﻴﺎﻛﺘﻚ
ﻭ ﻓﻮﺿﺎﻛﻲ
ﻭ ﺑﺸﺮﻭﺩﻙ
ﻭ ﺑﻬﺰﺍﺭﻙ
ﻭ ﺑﺴﺬﺍﺟﺘﻚ
ﻭ ﺃﻧﻔﺎﺳﻚ
ﻭ ﺇﺧﻼﺻﻚ
ﻭ ﺇﻫﻤﺎﻟﻚ
ﻭ ﺑﺠﻤﺎﻟﻚ
ﻭ ﺑﺤﻼﻭﺗﻚ
ﻭ ﺑﻘﺴﺎﻭﺗﻚ
ﻭ ﺑﺎﻟﻠﻲ ﺑﻴﺒﻘﻰ ﺟﻮﺍﻳﺎ ﻑ ﺣﻴﻦ ﻟﻴﻨﻚ
ﻭ ﺑﻴﺎ .. ﺇﺫﺍ ﺷﻔﺘﻨﻲ ﻑ ﻋﻴﻨﻚ
ﺑﻤﻄﺮﺡ ﺧﻄﻮﺗﻚ ﻉ ﺍﻷﺭﺽ
ﻭ ﺑﺎﻟﺸﻮﻙ ﺍﻟﻠﻲ ﺟﺎﺭﺣﻨﻲ ﺟﺮﻭﺡ ﻣﻦ ﻭﺭﺩ
ﻣﺎ ﺗﻔﺘﻜﺮﻭﺵ .. ﻫﺎﺗﻮﺏ ﻋﻨﻬﺎ
ﻣﺎ ﺗﻔﺘﻜﺮﻳﺶ ..
ﺑﺈﻧﻲ ﻑ ﻳﻮﻡ ﻫﺎﺗﻮﺏ ﻋﻨﻚ
ﺃﺗﻮﺏ ﺍﺯﺍﻱ ؟
ﺃﺗﻮﺏ ﻋﻦ ﻓﺮﺽ ؟
ﺑﺤﺒﻚ ﻗﺪ ﻣﺎ ﺗﻐﻴﺒﻲ . ﺑﺤﺒﻚ ﻗﺪ ﻣﺎ ﺗﺤﺒﻲ
ﻭ ﻟﻮ ﻗﻠﺒﻲ ﻛﺮِﻩ ﺣُﺒﻚ . ﻫﺎﺣﺒﻚ ﻏﺼﺐ ﻋﻦ ﻗﻠﺒﻲ
ﺑﺤﺠﻢ ﺍﻟﻜﻮﻥ . ﺳﻤﺎ ﻣﻊ ﺃﺭﺽ
