_ ياريتني ماشربت القصيدة ..
وأنا لسه بتعلم أخطي ع العتب ..
* تاتا ..
كمل بالمجاز ..
تاتا ..
رتب ف الصور ..
تاتا ..
غني وابتسم وقت العياط ..
تاتا ..
قلمك يسندك ..
_ تاتا خلاص الوقت عدى مافيش سبب ..
يجعلني أكركب ف الهموم ..
وأجني التعب ..
تاتا ..
طلعت يا دوب عبيط ..
شبيت لقيت المجد للإسفاف أوي ..
خبيت عيوبي ف وزنها ..
ما كتبتهاش علشان أعدي وأبيع نسخ ..
تاتا ..
المسوخ بيطبلوا ..
لعيال مسوخ ..
تاتا ..
الرضوخ ..
لقانون جديد ف التفعيلات ..
" ست البنات أعطتني ف العام الدراسي برايتها وأستيكتها وحتة خضرا ف قلبها وأنا سبتها علشان بتقطع ف الورق كل أما أجاوب ع السؤال "
تاتا ..
القصيدة المبهمة الملهمة المذهلة الأي حاجة بتنتهي بــالــ " ت "
والخوف وصل غطى الكتاف طال الرقاب الحبل ساب شديت خطوط وعملت فاصل من مافيش ..
قررت أعيش من غير قصيدة عشان أعيش ..
قررت أعيش من غير ديوان ..
ملعونة دار النشر باللايكات ..
ومتابعة المريدين لقلبك بالفلوس ..
ملعونة يا كل النفوس ..
متلونة ..
متبدلة ..
متغيرة ..
متحيرة بين صنف هلس وصنف عمق وصنف صدق وصنف طيش ..
النص ده ناقص شاويش ..
شوبش يا أهل المصغرة والمسخرة والمحسوبين ضمن الأدب ..
شوبش يا أهل اللاأدب ..
لو كان ضروري الشهرة لازم تعرفوا ..
إن اللي ماتوا لسه عايشين بالأدب ..
وإن الكلام لو داب ف توب المرقعة ..
هيكون مع ...
ويكون مع ...
وتكون دماغك ملك مين بينقطك ..
" من يجي شهرين أو تلاتة اتضح لدماغي قصة كان حاكيها حد ليا ومش مصدق والنهاردة بقوله صدق ... لجنة التحكيم يا أفندم في انتظار " متنبي " يجي لجل صورة سيلفي حلوة والتماس العذر لازم لما نعرف إنها بتقول كمان إن دنقل لسه ف الكوافير بتظبط ف الضوافر والبويات وإن عم نجيب سرور لسه طالع ع الشاشات من دقيقة "
الحقيقة بجد تكسف ..
ليه بتكتب قبل ما تحقق إضافة ؟!!
ليه بتكتب ؟!!
ليه بتكدب ع الحقيقة ؟!!
وأنا لسه بتعلم أخطي ع العتب ..
* تاتا ..
كمل بالمجاز ..
تاتا ..
رتب ف الصور ..
تاتا ..
غني وابتسم وقت العياط ..
تاتا ..
قلمك يسندك ..
_ تاتا خلاص الوقت عدى مافيش سبب ..
يجعلني أكركب ف الهموم ..
وأجني التعب ..
تاتا ..
طلعت يا دوب عبيط ..
شبيت لقيت المجد للإسفاف أوي ..
خبيت عيوبي ف وزنها ..
ما كتبتهاش علشان أعدي وأبيع نسخ ..
تاتا ..
المسوخ بيطبلوا ..
لعيال مسوخ ..
تاتا ..
الرضوخ ..
لقانون جديد ف التفعيلات ..
" ست البنات أعطتني ف العام الدراسي برايتها وأستيكتها وحتة خضرا ف قلبها وأنا سبتها علشان بتقطع ف الورق كل أما أجاوب ع السؤال "
تاتا ..
القصيدة المبهمة الملهمة المذهلة الأي حاجة بتنتهي بــالــ " ت "
والخوف وصل غطى الكتاف طال الرقاب الحبل ساب شديت خطوط وعملت فاصل من مافيش ..
قررت أعيش من غير قصيدة عشان أعيش ..
قررت أعيش من غير ديوان ..
ملعونة دار النشر باللايكات ..
ومتابعة المريدين لقلبك بالفلوس ..
ملعونة يا كل النفوس ..
متلونة ..
متبدلة ..
متغيرة ..
متحيرة بين صنف هلس وصنف عمق وصنف صدق وصنف طيش ..
النص ده ناقص شاويش ..
شوبش يا أهل المصغرة والمسخرة والمحسوبين ضمن الأدب ..
شوبش يا أهل اللاأدب ..
لو كان ضروري الشهرة لازم تعرفوا ..
إن اللي ماتوا لسه عايشين بالأدب ..
وإن الكلام لو داب ف توب المرقعة ..
هيكون مع ...
ويكون مع ...
وتكون دماغك ملك مين بينقطك ..
" من يجي شهرين أو تلاتة اتضح لدماغي قصة كان حاكيها حد ليا ومش مصدق والنهاردة بقوله صدق ... لجنة التحكيم يا أفندم في انتظار " متنبي " يجي لجل صورة سيلفي حلوة والتماس العذر لازم لما نعرف إنها بتقول كمان إن دنقل لسه ف الكوافير بتظبط ف الضوافر والبويات وإن عم نجيب سرور لسه طالع ع الشاشات من دقيقة "
الحقيقة بجد تكسف ..
ليه بتكتب قبل ما تحقق إضافة ؟!!
ليه بتكتب ؟!!
ليه بتكدب ع الحقيقة ؟!!
