والبسملة ..
وعيون حبيبتي الإسورة والقيد ..
وبراح زنازن قلبها ..
والضحكة عيد ..
أنا لو هويت .. يبقى ابتديت ..
علشان هويت يبقالي فرش ف حضنها ..
والكف بيت ..
من هنا تبدأ قصيدتي ..
بعد الهوامش كلها ..
قبل الزحام ..
والتوهة ف دروب الأبلسة ..
وولاد فلاسف مجذوبين لعناصر الخدعة الغبية ف الوجود ..
الهنة بتدوزن ف عود منقوص وتر ..
ويادوب مطر ..
وألمح عنيها الطيبين بيكملوا لوحة شتا ..
الأولة ... موزون
التانية ... مجنون
التالتة ... إنَّ
الأولة موزون برقص على السلم ..
التانية مجنون والعقل بيسلم
التالتة إنَّ ... إنَّ الذي أعطاها حُسناً فائضاً سماها جنة ..
وبقيت مسلِّم للفرايض كلها ..
صليت يومين فوق ضلها ..
وضيت ضلوعي بضحكها ..
عيطت لمَّا سألتها الغفران .. وخافت .. تبتسم ليقوم شيطاني يوزها وتعود بشر ..
الأولة .. قمرٌ على ..
التانية .. وجعٌ على ..
التالتة .. ما بقاش أنا ..
الأولة قمرٌ على عتمة مساحة بعدنا ..
والتانية وجعٌ على نفس المساحة ف قربنا ..
والتالتة ما بقاش أنا وِسع المساحة بين خشب برواز قديم وشريطة سودا ع اليمين من كام سنة ..!
وعيون حبيبتي الإسورة والقيد ..
وبراح زنازن قلبها ..
والضحكة عيد ..
أنا لو هويت .. يبقى ابتديت ..
علشان هويت يبقالي فرش ف حضنها ..
والكف بيت ..
من هنا تبدأ قصيدتي ..
بعد الهوامش كلها ..
قبل الزحام ..
والتوهة ف دروب الأبلسة ..
وولاد فلاسف مجذوبين لعناصر الخدعة الغبية ف الوجود ..
الهنة بتدوزن ف عود منقوص وتر ..
ويادوب مطر ..
وألمح عنيها الطيبين بيكملوا لوحة شتا ..
الأولة ... موزون
التانية ... مجنون
التالتة ... إنَّ
الأولة موزون برقص على السلم ..
التانية مجنون والعقل بيسلم
التالتة إنَّ ... إنَّ الذي أعطاها حُسناً فائضاً سماها جنة ..
وبقيت مسلِّم للفرايض كلها ..
صليت يومين فوق ضلها ..
وضيت ضلوعي بضحكها ..
عيطت لمَّا سألتها الغفران .. وخافت .. تبتسم ليقوم شيطاني يوزها وتعود بشر ..
الأولة .. قمرٌ على ..
التانية .. وجعٌ على ..
التالتة .. ما بقاش أنا ..
الأولة قمرٌ على عتمة مساحة بعدنا ..
والتانية وجعٌ على نفس المساحة ف قربنا ..
والتالتة ما بقاش أنا وِسع المساحة بين خشب برواز قديم وشريطة سودا ع اليمين من كام سنة ..!
