بقى توأم ..
ملازم خطوتي دايما يقلِّد صوتي ف الضحكة و ف التكشير ..
ويبكي ..
لما أكون خارج ويسمع رجلي ع السلم ما يتكلمش ويكمِّل عياطه سكوت ..
يخش ينام ..
يسيب ودنه على العتبة ويستنى نغم مفاتيح ..
تشخلل ..
بابا يلا نقوم عشان نفتح ..
ويجري بسرعة يتكعبل ف أحلامه ويضحكلي ..
يغني معايا ع النوتة ..
وأنا برقص كما الأبريق وبتمايل ..
تفط الضحكة من عينه توصَّل قارتين بالشوق ..
يزيد الحضن يرميني على ضهري ويجري بعيد ويتمايل ..
يعيد تاني بنفس الصوت أدان ... أكبر ..
وأنا هكبر وأعاند بابا وأكتب شِعر يشبهني ..
وهتنطط على المقامات وأخلِّي العود ..
يضفر قلبه بالسيكا مع النهاوند يتغازلوا ف عِرق بياتي كان رافض يضم الدو ..
يا بابا الـ سي بتنهي السلم المكسور ..
تلف .. تدور ..
تلاقي التون ..
تدندن روحي تسمعها بتهتف " با* "
دا سِلم تاني ليا لوحدي مش عارف لكن بطلع وأكمِّل فيه ..
وأخبط فوق كتاف ماما ..
وأسجل نغمة من تاني برنة " إين "
وأقول " أجّا "
و" أشَّب " " أي " "ننه " عشان أكمل حلمي للآخر ..
وأضيف "جيجة " على النوتة ..
فتوزن توأمي بابا ..!
#وليد_اسرائيل
#كلام _أدم
با : بابا
إين : مين
أجا : غير معلوم معناها إلى الآن
أي : للتأوه
أشب : أشرب
ننه : أنام
جيجة : أغنية للأطفال
ملازم خطوتي دايما يقلِّد صوتي ف الضحكة و ف التكشير ..
ويبكي ..
لما أكون خارج ويسمع رجلي ع السلم ما يتكلمش ويكمِّل عياطه سكوت ..
يخش ينام ..
يسيب ودنه على العتبة ويستنى نغم مفاتيح ..
تشخلل ..
بابا يلا نقوم عشان نفتح ..
ويجري بسرعة يتكعبل ف أحلامه ويضحكلي ..
يغني معايا ع النوتة ..
وأنا برقص كما الأبريق وبتمايل ..
تفط الضحكة من عينه توصَّل قارتين بالشوق ..
يزيد الحضن يرميني على ضهري ويجري بعيد ويتمايل ..
يعيد تاني بنفس الصوت أدان ... أكبر ..
وأنا هكبر وأعاند بابا وأكتب شِعر يشبهني ..
وهتنطط على المقامات وأخلِّي العود ..
يضفر قلبه بالسيكا مع النهاوند يتغازلوا ف عِرق بياتي كان رافض يضم الدو ..
يا بابا الـ سي بتنهي السلم المكسور ..
تلف .. تدور ..
تلاقي التون ..
تدندن روحي تسمعها بتهتف " با* "
دا سِلم تاني ليا لوحدي مش عارف لكن بطلع وأكمِّل فيه ..
وأخبط فوق كتاف ماما ..
وأسجل نغمة من تاني برنة " إين "
وأقول " أجّا "
و" أشَّب " " أي " "ننه " عشان أكمل حلمي للآخر ..
وأضيف "جيجة " على النوتة ..
فتوزن توأمي بابا ..!
#وليد_اسرائيل
#كلام _أدم
با : بابا
إين : مين
أجا : غير معلوم معناها إلى الآن
أي : للتأوه
أشب : أشرب
ننه : أنام
جيجة : أغنية للأطفال
