آسف
ما اتعودتش أخلف أي معاد ف حياتي السابقة
لكن هخلف غصبن عني
هخلف ويا ال اتمنيت تنظرلي للحظة
بطرف العين
لكن مش بالكيف و الخاطر
بالقوة و بالقهر المربك
واسع جدا جدا قلبك
عارف انك هتسامحينى
و الله لحد الصبحية و نيتي آجي
لكن فجأة الصبح خبطني بكفه . لوحني
نور الشمس مخاصم عيني
حتى ان جيت .. مش هعرف اشوفك
قلبي معتم
روحي البكر العاشقة لروحك
حبلى بهم بدون ما تسلم روحها لروح
ليلة امبارح للفجرية
كنت مسافر في فضاءات المعجم
بخطف
كل نجومه
و بغزل منها لجيدك عقد
كنت بصالح كلمة بكلمة
و معنى بضد
علشان أخلق توب من بوحي
يكون ف مقاسك
_أنا اتمنى نباتي الغض يبوس راس فاسك_
شفتيني أبللها بخمرك
و اخبط كاسي برقة ف كاسك
و المع جوة عيونك و المح مستقبلنا الجاي و " ادم "
لكن آسف ..
ما اتعودتش أخلف أي معاد ف حياتي السابقة
لكن هخلف غصبن عني
هخلف ويا ال اتمنيت تنظرلي للحظة
بطرف العين
لكن مش بالكيف و الخاطر
بالقوة و بالقهر المربك
واسع جدا جدا قلبك
عارف انك هتسامحينى
و الله لحد الصبحية و نيتي آجي
لكن فجأة الصبح خبطني بكفه . لوحني
نور الشمس مخاصم عيني
حتى ان جيت .. مش هعرف اشوفك
قلبي معتم
روحي البكر العاشقة لروحك
حبلى بهم بدون ما تسلم روحها لروح
ليلة امبارح للفجرية
كنت مسافر في فضاءات المعجم
بخطف
كل نجومه
و بغزل منها لجيدك عقد
كنت بصالح كلمة بكلمة
و معنى بضد
علشان أخلق توب من بوحي
يكون ف مقاسك
_أنا اتمنى نباتي الغض يبوس راس فاسك_
شفتيني أبللها بخمرك
و اخبط كاسي برقة ف كاسك
و المع جوة عيونك و المح مستقبلنا الجاي و " ادم "
لكن آسف ..
مش كل ال بنحلم بيه مكتوبله يكون
على سيرة الأحلام .. امبارح
حلمي خبطنى بإيد الهون
شفتك حلوة ك زي العادة
لابسة الفستان ال بيلمع
بمبي و ملفت
متمكيجة مكياج رباني
خدك بيصارع بجماله الخد التاني
عينك صافية صفاء الميا
شفتينيك طاووسيين بيراهنوا العالم كله
على رقتهم
وجهك زي صباح يوم " العيد "
مشمس دافي
كل ده عادي .. ماهو انتي جميلة
و بتتحلي يوماتي زيادة
زي العادة
لكن مش عادي اني اشوفني
و أنا متعلق .. متشبث في ديل فستانك
و انتي مكانك
خطوة من الحافة ال مفيش بعديها حياة
لو شديت في قوة - هنسقط
لو نخيت لليأس هموت
لأ و الأغرب - كنت بصرخ
بس صراخي ماكنلوش صوت
و الأغرب جدا و الأعجب
شفت أيادي بتضرب فيا عشان تفلتني
بصيت لوجوهم . مألوفة
بس كمان كان فيه ف ملامحهم
انفعالات مكشوفة و لكن مش مكشوفة
و اللى دبحني
اني ماكنتش شايف وجهك
هل بتنهنهي ؟
هل تقاسيم وجهك صخرية ؟
و لو صخرية
كان ده لأنك خايفة عليا ؟ و لا ده كان من فرط الخوف ؟
قلت أموت - بس أقدر أشوف
انظر يم السفح ألاقي الناس فتافيت
أجسادهم ف النار بتشيط
سامع ضحكة شر صداها بيخرم ودني
سامع صوت خطوات الجند مقربة مني
بتدبدب و تشق الأرض
و السما فوق راسنا بكام متر
عدى العمر قصادى بسرعة .. زي القطر
كل ده و انا مش قادر أشوفك
ناسي الخوف ال بيسري بي و فاكر خوفك
و ده كله و مانستش اتساءل
- مين ف الدنيا كارهنا لدرجة هذي الدرجة ؟
- مين مستكتر ف الدنيادي علينا نعيش ف هدوء و سلام
ينعل
أبو
أم
الأحلام
فضوا بكارة حلمي ف عز الحلم بحلمي
ضيعوا فرصة إني أشوفك و استمتع لما انتي تضمي
حلمي خبطنى بإيد الهون
شفتك حلوة ك زي العادة
لابسة الفستان ال بيلمع
بمبي و ملفت
متمكيجة مكياج رباني
خدك بيصارع بجماله الخد التاني
عينك صافية صفاء الميا
شفتينيك طاووسيين بيراهنوا العالم كله
على رقتهم
وجهك زي صباح يوم " العيد "
مشمس دافي
كل ده عادي .. ماهو انتي جميلة
و بتتحلي يوماتي زيادة
زي العادة
لكن مش عادي اني اشوفني
و أنا متعلق .. متشبث في ديل فستانك
و انتي مكانك
خطوة من الحافة ال مفيش بعديها حياة
لو شديت في قوة - هنسقط
لو نخيت لليأس هموت
لأ و الأغرب - كنت بصرخ
بس صراخي ماكنلوش صوت
و الأغرب جدا و الأعجب
شفت أيادي بتضرب فيا عشان تفلتني
بصيت لوجوهم . مألوفة
بس كمان كان فيه ف ملامحهم
انفعالات مكشوفة و لكن مش مكشوفة
و اللى دبحني
اني ماكنتش شايف وجهك
هل بتنهنهي ؟
هل تقاسيم وجهك صخرية ؟
و لو صخرية
كان ده لأنك خايفة عليا ؟ و لا ده كان من فرط الخوف ؟
قلت أموت - بس أقدر أشوف
انظر يم السفح ألاقي الناس فتافيت
أجسادهم ف النار بتشيط
سامع ضحكة شر صداها بيخرم ودني
سامع صوت خطوات الجند مقربة مني
بتدبدب و تشق الأرض
و السما فوق راسنا بكام متر
عدى العمر قصادى بسرعة .. زي القطر
كل ده و انا مش قادر أشوفك
ناسي الخوف ال بيسري بي و فاكر خوفك
و ده كله و مانستش اتساءل
- مين ف الدنيا كارهنا لدرجة هذي الدرجة ؟
- مين مستكتر ف الدنيادي علينا نعيش ف هدوء و سلام
ينعل
أبو
أم
الأحلام
فضوا بكارة حلمي ف عز الحلم بحلمي
ضيعوا فرصة إني أشوفك و استمتع لما انتي تضمي
آسف إني ماجيتش .. انا آسف
الحلم ده كان مربك جدا - كنت هجيلك و انا مرعوش
و ده شئ فعلا مرضتهوش
الحلم ده كان مربك جدا - كنت هجيلك و انا مرعوش
و ده شئ فعلا مرضتهوش
الجايات أكتر والله بس اكون ليلة ما هشوفك
شايف حلم ك مثلك وردي
مش حلم الخلفية بتاعته
صوت خطوات و رصاص و بيضوي ببركان نار
راح اجيلك - و انا صافى - ما احبش ابدا اشوفك
و انا عبي بيلعب فيه الفار
ربنا يكفينا المتخبي
و يلطف بينا
لو كان قدري و قدرك حامي
شايف حلم ك مثلك وردي
مش حلم الخلفية بتاعته
صوت خطوات و رصاص و بيضوي ببركان نار
راح اجيلك - و انا صافى - ما احبش ابدا اشوفك
و انا عبي بيلعب فيه الفار
ربنا يكفينا المتخبي
و يلطف بينا
لو كان قدري و قدرك حامي
